तलासरी, दि. 28 : मुंबई-अहमदाबाद महामार्गावरील दापचरी चेकपोस्ट (तलासरी) येथे पोलिसांनी दोन आयशर टेम्पोंमधुन तब्बल 50 लाख रुपयांचा गुटखा जप्त केला आहे. याप्रकरणी एकुण 5 जणांवर गुन्हे दाखल करण्यात आले आहेत. पकडण्यात आलेला गुटखा मुंबईत विक्रीसाठी नेला जात असल्याचे समजते.
अधिकृत सुत्रांनी दिलेल्या माहितीनुसार, काल 27 डिसेंबर रोजी मध्यरात्री 2 वाजेच्या सुमारास महामार्गावरील दापचरी चेकपोस्टवर पोलीस वाहनांची तपासणी करत असताना एम.एच. 48/ए.जी. 3718 व एम.एच 46/बी.बी. 5592 या क्रमांकाच्या आयशर टेम्पोंमध्ये गोणींमध्ये भरुन गुटख्याचा साठा मुंबईच्या दिशेने नेला जात असल्याचे आढळून आले. पोलिसांनी दोन्ही ट्रकची तपासणी केली असता विमल पानमसाला, व्ही-1 तंबाखु, शुध्द प्लस पानमसाला व शुध्द प्लस तंबाखु असा एकुण 50 लाख 22 हजारांचा हा गुटखा असल्याचे समोर आले.
पोलिसांनी गुटख्यासह दोन्ही टेम्पो जप्त करत मोहम्मद रिजवान नजीर खान (वय 40 रा. पनवेल), राकेश रामसमुज कोरी (वय 30, रा. उत्तरप्रदेश) तसेच गुलजार, फैझल व अशरफ (पुर्ण नाव व पत्ते कळू शकले नाहीत) अशा पाच जणांवर तलासरी पोलीस स्टेशनमध्ये गुन्हे दाखल केले आहेत. तर मोहम्मद खान व राकेश कोरी यांना अटक करण्यात आली असुन अधिक तपास सुरु आहे.
- तुम्ही Youtube वर News Channel किंवा News Portal चालवता का? मग तुमच्यासाठी अतिशय महत्वाची बातमी आहे!
- केळवे समुद्रात चार मुलांचा बुडून मृत्यू!
- मुजोर विराज उद्योजका विरोधात कामगार आक्रमक
- घिवलीच्या पुनर्वसनाची मागणी
- महिलेला दोन लाखाचे सोन्याचे दागिने रेल्वे पोलिसांनी केले परत
