वाडा, 6 नोव्हेंबर: वाडा येथील प्रभारी दुय्यम निबंधक सर्जेराव अभिमान चाटे याला एका बांधकाम व्यावसायिकाकडून 20 हजारांची लाच घेताना लाचलुचपत प्रतिबंधक विभागाने रंगेहाथ पकले आहे.
तक्रारदार बांधकाम व्यावसायिकाने बांधलेल्या दत्तात्रय अपार्टमेंट नावाच्या इमारतीमधील 2 गाळे विक्री करण्यात आले होते. त्यांची नोंदणी करण्या करीता चाटे याने प्रत्येकी 15 हजारप्रमाणे 2 गाळ्यांचे 30 हजार रुपये मागितले असता तक्रारदाराने पालघर येथील लाचलुचपत प्रतिबंधक विभागाच्या युनिटकडे तक्रार केली होती. दरम्यान ॲन्टी करप्शन ब्यूरोचे उप अधिक्षक के. एस. हेगाजे यांच्या नेतृत्वाखालील पथकाने सापळा रचला असता आज सायंकाळी 6.45 वाजता तक्रारदाराकडून तडजोडीअंती 20 हजारांची लाच घेताना चाटे जाळ्यात अडकला आहे. ॲंटी करप्शनच्या पथकामध्ये पोलीस निरीक्षक भारत साळुंखे, हवालदार मांजरेकर व कदम, पोलीस नाईक सुवारे, सुतार, सुमडा, चव्हाण यांचा समावेश होता. चाटे याला अटक करण्यात आली असून उद्या न्यायालयासमोर हजर करण्यात येणार आहे.
- तुम्ही Youtube वर News Channel किंवा News Portal चालवता का? मग तुमच्यासाठी अतिशय महत्वाची बातमी आहे!
- केळवे समुद्रात चार मुलांचा बुडून मृत्यू!
- मुजोर विराज उद्योजका विरोधात कामगार आक्रमक
- घिवलीच्या पुनर्वसनाची मागणी
- महिलेला दोन लाखाचे सोन्याचे दागिने रेल्वे पोलिसांनी केले परत
